Chùto, bolega!

Dròle de tìtol, mi dirètz, ma coma l’avètz segurament constatat, lo blòg es ben quiet despì prom setmanas. E pura a foarça bolegat en colissas!

Lo gròs cambiament qu’es estat operat es au nivèu de l’aubergament: lo site es passat d’un aubergament mutualisat en Amèrica à un servidor dedicat mai pròch, en Gala. L’aubergament precedent començava en efet à si sentir à l’estrech e à trampinar, perque en mai d’aquest blòg, s’èron ajustat lu sites:

• Pich.in, l’escorchador d’URL nissart
• lo site noù Radio NissaPantai.com (finda achessible à l’adreça nissapantai.cagablea.net)

Concretament, aquest nouvèu servidor vou dire de milhoras performanças, una grana libertat tècnica, e finda de travalh en mai per ièu :).

Despì quauqui setmanas s’es ajustat tamben lo site OGCN.net de mon fraire, site independant sus lo Gym.

Vaqui per cen qu’es fach, ma l’i a finda de cauas en preparacion per la rintrada!

• Una pichina sorpresa per toi aquelu que voalon si mettre ò tornar si mettre au nissart
• Un pauc d’istòria de la Comtéa au mòdo “modern”
• De projets emb d’autres nissarts de madurar gaug ai possibilitats novelis de l’aubergament…

À ben lèu !