Mi fa gaug de vos presentar ancuèi la naissença d’un pichin fraire de Cagablea.net: Pich.in !
Donatz un pichin nom nissart (occitan) ai voastres estacs corts emb pich.in!
Si trata d’un servici d’escorchator d’adreça oèb; es una tècnica utilisada sus interret que permete de rendre acessible d’adreças de pàginas oèb vìa una adreça corteta.
Conoissètz segurament jà de tau servici, lu mai conoissuts son tinyurl.com, bit.ly, ò encora lu goo.gl da Google, t.co da Twitter, ò fb.me da Facebook.
Duerbi aquest servici à cadun, per lo prètz de 0 (zèro) Eurò!
E emb la pàgina oèb, vi prepaui en bonús un bookmarklet per escorchar una pàgina oèb directament despì lo voastre navigator, e una interfaça (API) publica per personalisar li voastri URL corti dins d’aplicacions Twitter coma Tweetbot.
Tornatz trobar toi lu detalhs e informacions dins la pàgina dedicada, acessible sus aquest site despì lo cap de pàgina.
Boan usatge e esitatz pas de partejar!