Boana anada 2012!

Vos auguri une bèla boana anada 2012. Comma si ditz à Nissa, Boan principi… e milhora fin!

Lo 2011 foguèt la naissença d’aquest blòg, lo 2012 serà, l’esperi, l’anada de la sieu creissença. Provarai de publicar regulierament d’articles, ai un bèu molon d’idèas e de projets “sota lo coe”, es lo temps que mi manca soventi fès… Esperi finda aver lo tieu sosteniment per adjudar de lo far conoisser ai tieu amics nissarts, gavoats, provençaus, transalpencs, occitans… e meme parisians (siguem foals) 🙂

Per ajudar, poades jà indicar ai tieu amics 2.0 qu’aimes Cagablea.net en clicant sus lo boton “Aimi” de la pàgina Facebook, ò sus lo “+1” de la pàgina Google+.

Pì, rengraci Marc de l’Espaci Turing que m’a prestat lo sieu imatge de vots pròpi geeko-nissarda, e sus Cagablea.net, aimèn aquò! (meme se cau ren qu’un N à Anada 😉 )