Li a de sites internet disponibles en plusor lengas que dispòson d’un mecanisme que permete d’afichar lo site dins la lenga preferida dau visitator. Jà, gaire lo sabon, es possible de configurar lo sieu navigator internet per que done la preferença à d’autri lengas que lo francès.
Tra li lengas disponibles, entra lo norvegian nynorsk e l’oriya si pòu trobar l’occitan. Dau segur l’occitan es pas una lenga unica et unifiada, ma en matiera de normalisacion dei còdes de lenga per l’enformàtica, lu noastres amics de l’ISO acòrdon dins li sieu nòrmas ren qu’un còde per tot l’espaci occitan: oc ò oci.
Da saupre:
Alora fin finala cen que s’esconde darrier lo còde “oc” d’un site oèb? E ben “depende”… dau tradutor dau site. Sus aquest site per exemple, aurètz remarcat que la version nissarda es sus un nom de teniment diferent d’aquèu de la version francèsa: http://oc.cagablea.net. Ai chausit coma còde de lenga per la version nissarda aquest famós “oc”, justament per sègre l’estandard e èstre reconoissut (tecnicament) dei navigators. Sus d’autres sites, lu sieu tradutors an fach la chausida entra lu diferents dialectes de la lenga d’oc, e si pòu que sigue quora de provençau, quora de gascon… Ma cau ben costatar que la plupart dau temps son lu noastres vesins lengadocians, en grafia classica, qu’ocupon lo terren.
Brefle, se siètz duberts à toi lu dialectes d’oc pu prest qu’au francès, vequì coma procedre emb lu 4 grans navigators atuaus: Firefox, Chrome, Internet Explorer e Safari.
Configurar Firefox en occitan
1
Anatz dins la seccion “Contengut”.
Dins la partida “Lengas”, clicatz sus lo boton “Chausir…”.
2
Dins la tièra despleganta, cercatz e seleccionatz “Occitan [oc]”.
Clicatz sus lo boton “Ajónher”.
3
Clicatz sus lo boton “Montar” fin tant que la langa Occitan sigue en aut de la tièra.
Validatz emb “OK”.
- Es acabat!
Configurar Chrome en occitan
1
Anatz dins la seccion “Opcions avançadi”.
Dins la partida “Contengut Oèb”, clicatz sus lo boton “Lengas e parametres dau corrector ortogràfico”.
2
3
Validètz emb “OK”.
4
- Es acabat!
Configurar Internet Explorer en occitan
1
2
Clicatz sus lo boton “Ajónher…”
3
Entratz “oc” dins lo camp “Personalisada:”
Validètz emb “OK”.
4
Clicatz sus lo boton “Montar” fin tant que sigue en aut de la tièra.
Validètz emb “OK”.
- Es acabat!
Configurar Safari sus Mac OS X en occitan
1
Anatz dins la seccion “Lenga e Tèxto”.
2
3
Validètz emb OK.
4
- Es acabat!
Un còup la configuracion facha aurètz de fès que li a la boana sorpresa de veire certens sites passar en “occitan”. Anatz per exemple sus google.fr !
Fach! Gramaci l’òme!
Viva!
Grandmercés, l’òme !
O ai fach sus Chrome e Mac OS X
Amistat